وەزارەتی دەرەوەی کۆریای باشوور رایگەیاند، قەدەخەی گەشتکردن بۆ ماوەی شەش مانگی دیکە بۆ شەش وڵاتی رۆژهەڵاتی نێوەڕاست و بەشێکی فیلیپین و ناوچەکانی دیکە درێژدەکاتەوە.

ئەو شەش وڵاتەی رۆژهەڵاتی نێوەڕاست، بەپێی وەزارەتی دەرەوەی ئەو وڵاتە، بریتین لە هەریەکە لە عێراق، سووریا، یەمەن، لیبیا، سۆماڵ و ئەفغانستان، هەروەها هەرێمەکانی باشووری وڵاتەکە، لەنێویاندا بەشێک لە ناوچەکانی فیلیپین وەکو نیمچەدوورگەی زامبۆوانگا، سولو، بازیلان و تاوی-تاوی.

وەزارەتی دەرەوەی کۆریای باشوور دەڵێت، ئەو ناوچە دیاریکراوانەش بە ناوچەی مەترسیدار دانراون کە "هێرشی تیرۆریستییان" تێدا دەکرێت و نائارامیی سیاسییان تێدایە و پێشبینیی دەکەن بۆ ماوەیەکی درێژ بەردەوامیی هەبێت.

ئەو رێکارە نوێیە لە 1ی شووباتی 2021ـەوە کاری پێدەکرێت تاوەکو 31ی تەممووزی هەمان ساڵ.

کۆریای باشوور گەشتکردنی بۆ عێراق، سووریا، سۆماڵ و ئەفغانستان لە ساڵی 2007ـەوە قەدەخە کردووە. سیئۆل لە ساڵی 2011 قەدەخەی گەشتکردنی بۆ یەمەن، لە 2014 بۆ لیبیا و لە ساڵی 2015 بۆ دوورگەکانی فیلیپین راگەیاند.
rudaw -