تورکیا بنکەیەکی سەربازیی دیکە لە دەوحەی پایتەختی قەتەر دروست دەکات.

لە مانگی 11ـی 2015، سوپای تورکیا بنکەیەکی سەربازی لە دەوحە کردەوە و دواتر لە مانگی 12ـی 2017 ناوی بنکەکە کرایە فەرماندەیی هاوبەشی قەتەر و تورکیا.

بەپێی هەواڵی میدیا عەرەبییەکان، تورکیا بە رەزامەندیی حکوومەتی قەتەر بە نیازە لە پایزی ئەمساڵ دووەم بنکەی سەربازیی سوپای وڵاتەکەی لە دەوحە بکاتەوە، ئەمەش پەیوەندییەکانی وڵاتانی کەنداوی عەرەبی و قەتەر زیاتر تێک دەدات.

رۆژی 5.6.2017، بەهۆی بوونی پەیوەندیی قەتەر بە کۆماری ئیسلامیی ئێران و پشتگیریکردنی رەوتی ئیخوان موسلیمین، هەر چوار وڵاتی سعودیە، میسر، ئیمارات و بەحرێن بڕیاریان دا هەموو پەیوەندییەکانیان لەگەڵ ئەو وڵاتە بپچڕێنن.

قەتەر بە پارێزەری رەوتی ئیخون موسلیمین دادەنرێت و تورکیاش لەلایەن پارتی داد و گەشەپێدان (ئاکەپە)، کە پارتێکی سەر بە ئیخوان موسلیمینە، بەڕێوە دەبرێت.












باسنيوز