ئەمڕۆ دووشەممە محەمەدجەواد زەریف وەزیری دەرەوەی ئێران لە پرێس کۆنفرانسێکدا لەبارەی گەرمارۆ خستە سەری لەلایەن ئەمریکاوە گوتی، ئەمریکا لە دیپلۆماسیدا شکستی خواردووە، بۆیە پەلەقاژە دەکات.



وەزیری دەرەوەی کۆماری ئیسلامیی ئێران لەمبارەوە گوتی: "لە ئەمریکا بانگهشتی کۆنگرێس کرام و گوتیان ئەگەر نەیت و گفتوگۆ نەکەیت، دوای دوو هەفتە گەمارۆ دەخرێتە سەرت".



ڕاشی گەیاند: "ئەمریکا کاتێک بڕیای دا گەمارۆ بخاتە سەر من، ئەوکاتە بو کە پرسی پیلانی گرووپی "B" لەدژی ئێران خستە بەرباس و هۆکاری دیکەش ئەوەیە کە من قسەی خەڵکی ئێران دەکە و بەگشتی ئەم بڕیارەی ئەمریکا لەدژی من نیشانەی شکستی دیپلۆماسییە و ئێستا ئەمریکا لە ئاستی دنیادا بەتەنیا ماوەتەوە".



محەمەدجەواد زەریف ئاماژەی بەوەش کرد: "بەڕای من دۆناڵد ترەمپ بەتامی هەڵگیرسانی شەڕ نییە، چونکە شەڕ خەسار و زیانی بۆ ئەمریکا هەبووە و نایهەوێ خۆی تووشی شەڕ بکات، بەڵام بینیامین نتانیاهۆ و جۆن بۆڵتەن بەتەمای شەڕن، چونکە ئەو دوو کەسە هۆکاری شەڕی عێراقن".



لە بەشێکی دیکەی قسەکانیدا گوتی: "ئێمە پێشتر ئەم ڕۆژانەمان بۆ ڕێککەوتنی ئەتۆمی پێشبینی کردبوو و ئێمە هیچ پلان و بەرنامەیەکمان بۆ هاتنە دەرەوە لە ڕێککەوتنی ناوکی نییە و هەنگاوی سێیەمیش بە واتای هاتنە دەرەوە و نییە".











باسنيوز