محەمەد جەواد زەریف، لە كۆنفرانسێكی رۆژنامەوانیدا لەگەڵ سەرۆك كۆماری نیكاراگوا رایگەیاند "ئاڵۆزییەكانی ئەم دواییەی ناوچەكە ئەگەری ھەڵگیرساندنی شەڕێكی گەورەی لە كەنداو لێدەكرێت. كە بە ئاسانی دەستپێدەكات و كۆتاییەكەشی دیار نابێت".

وەزیری دەرەوەی ئێران دەستبەسەرداگرتنی كەشتییەكی بەریتانیا لەگەرووی ھورموز بە ھەوڵێك لە چوارچێوەی یاسا نێودەوڵەتییەكان ناودەبات و دەڵێ "ئێران دەستپێشخەری شەڕ نییە و ھەوڵیش بۆ ھێوركردنەوەی ئاڵۆزییەكەكان دەدات".

ئەم گوتانەی زەریف دوای ئەوەدێت رۆژی هه‌ینی رابردوو 19/7/2019، له‌ گه‌رووی هورمز ده‌ستیان به‌سه‌ر كه‌شتییه‌كی نه‌وتهه‌ڵگری به‌ریتانیدا گرت و رایگه‌یاند: "نه‌وتهه‌ڵگرێكی به‌ریتانییان له‌ گه‌رووی هورمز راگرتووه‌، چونكه‌ پابه‌ندی یاساكانی ده‌ریاوانیی نێوده‌وڵه‌تی نه‌بووه‌"، ئەمەش پەیوەندییەكانی نێوان لەندەن و تارانی ئاڵۆزتر كرد.






k24