سوید یاسایەکی نوێ لەبارەی پەنابەران جێبەجێ دەکات، کە پەیوەندیی بە کەسوکاریانەوە هەیە.

یاسا نوێیەکەی سوید تایبەتە بەو کەسانەی مافی مانەوەی کاتی (ئیقامەی کاتی)یان لەو وڵاتە وەرگرتووە.

بەپێی یاسا نوێیەکە، ئەو پەنابەرانەی مافی مانەوەی کاتییان وەرگرتووە دەتوانن داواکارییەک پێشکەش بە فەرمانگەی پەنابەران بکەن بۆ بردنی کەسوکارە پلە یەکەکانیان بۆ سوید.

پێشتر تەنیا ئەو ۆەنابەرانەی مافی مانەوەی هەمیشەییان وەرگرتبوو، دەیانتوانی داوای شادبوونەوە و راکێشانی کەسەکانی خۆیان بکەن.

چاوەڕێ دەکرێ بە جیبەجێبوونی ئەو یاسایە، لە ماوەی دوو ساڵی داهاتوودا نزیکەی هەشت هەزار کەس، وەک کەسوکاری پلە یەکی ئەو پەنابەرانەی مافی مانوەی کاتییان هەیە، بگەنە سوید.










باسنيوز