میدیاکانی نزیک بە سوپای پاسدارانی کۆماری ئیسلامیی ئێران، بڵاویان کردووەتەوە، بەرەبەیانی ئەمڕۆ دووشەممە دوو چەکداری سوپای پاسداران لە سنوورەکانی پارێزگاری سیستان و بەلووچستان و پاکستان کوژراون.



لەمبارەوە بنکەی "فەیلەقی قودس"ی سەر بە سوپای پاسداران لە ڕاگەیەندراوێکدا ئاشکرای کردووە: "ئەمڕۆ یەکشەممە ٢١ی ٧ی ٢٠١٩ دوو چەکداری هێزی زەوینیی سوپای پاسداران لە ناوچەی "کێشتگان"ی سەر بە شاری "سەراوان" لە پارێزگای سیستان و بەلووچستان و هاوسنووری پاکستان لە تێکهەڵچوون لەگەڵ گرووپێکی نەناسراو کوژراون".



ناسنامەی ئەو دوو چەکدارەی سوپای پاسداران بریتییە لە "سەید موحسێن نەقیبی" خەڵکی کرماشان و "عەبدولخالق درازهی" خەڵکی بەلووچستان".



لەو تێکهەڵچوونەدا دوو چەکداری دیکەی سوپای پاسداران بریندار بوون.



هەتا ئێستا هیچ لایەن و گرووپێک بەرپرسیارێتیی ئەو هێرشەی نەگرتووەتە ئەستۆ.







باسنيوز