کۆماری ئیسلامیی ئێران بەهۆی فڕۆکە بێفڕۆکەوانەکەوە، بە فەرمی سکاڵا لە دژی ئەمریکا تۆمار دەکات.

غولام حوسێن دەهقانی، جێگری وەزیری دەرەوەی ئێران بە میدیاکانی وڵاتەکەی راگەیاندووە، رۆژی هەینی 28-6-2019، بە فەرمی سکاڵاکەیان لە نەتەوە یەکگرتووەکان تۆمار کردووە.

سکاڵاکە بەهۆی ”دوژمنکاریی ئەمریکا بە ناردنی فڕۆکەیەکی بێفڕۆکەوان بۆ ئاسمانی ئێران“ تۆمار کراوە و غوڵام حوسێن دەهقانی رایگەیاندووە، تاران مافی خۆیەتی وەڵامی توندی هەر هێرشێک بداتەوە.

رۆژی پێنجشەممە 20-6-2019، سوپای پاسدارانی ئێران رایگەیاند، فڕۆکەیەکی بێفڕۆکەوانی سیخووڕیی ئەمریکییان تێک شکاند.





باسنیوز