وەزیری دەرەوەی بریتانیا رایگەیاند، وڵاتەکەی نیگەرانە لە ئەگەری رودانی جەنگی لە ناكاو لەنێوان هەریەك لە ویلایتە یەكگرتوەكانی ئەمریکا و ئێراندا.

جێرمی هەنیت، وەزیری دەرەوەی بریتانیا لەمیانی لێدوانێكیدا بۆ رادیۆی BBCی بریتانی رایگەیاند، "ئێمە وەكو بریتانیا پێمان وانیە نە ویلایەتە یەكگرتوەكانی ئەمریكا و نە ئێران بیانەوێت جەنگ روبدات، بەڵام زۆر نیگەرانین لە ئەگەی رودانی جەنگێكی لەناكاو".

ئاماژەی بەوەشكرد، "بە مەبەستی ئارامكردنەوەی گرژیی و ئاڵۆزیەكانی ناوچەكە، بریتانیا هەمو توانای دەخاتەگەڕ و ئەوەی لە توانایدا هەبێت ئەنجامیدەدات".

جێرمی هەنیت راشیگەیاند، لەمیانی دۆخە زۆر مەترسیدارەكەی كەنداودا، بریتانیا زۆر لە نزیكەوە لەگەڵ ویلایەتە یەكگرتوەكانی ئەمریكادا لە پەیوەندیدا بوە و بە مەبەستی ئارامكردنەوەی دۆخەكە هەمو شتێكمان ئەنجامداوە كە لە دەستمان هاتوە.






خەندان