لە چاوپێکەوتنێکی تەلەڤزیۆنی کە ئەمڕۆ پێنجشەممە 13/06/2019، بڵاوکرایەوە، ڤلادمیر پوتنی سەرۆکی رووسیا رایگەیاندووە، پەیوەندی ئەمەریکا و رووسیا لە ئاستێکی خراپ دایە.

لە لێدوانێکی بۆ تەلەڤزیۆنی میر Mir، پوتن لە بارەی پەیوەندی واشنتن و مۆسکۆ دەڵێت: "پەیوەندییەکە بەرەو خراپتربوون دەچێت، خراپتر و خراپتر دەبێت".

راشیگەیاندووە: "ئیدارەی ئەمەریکا دەیان سزای بەسەر رووسیادا سەپاندووە".

ئەم لێدوانەی پوتن لە کاتێکدایە، رەنگە لەم مانگە و لە کۆبوونەوەی لووتکەیی G20 لە ژاپۆن، دۆناڵد ترەمپ، سەرۆکی ئەمەریکا و ڤلادمیر پوتن کۆببنەوە.







k24