ماڵپەڕی (ئیسنا) لەزاری سەرۆکی ناوەندی فریاکەوتنی تارانەوە بڵاوی کردووەتەوە، دوێنێ هەینی دوای یاریی دوو یانەی پرسپۆلیسی تاران و سپاهانی ئیسفەهان، شەڕ و تێکهەڵچوون ڕووی داوە و بەو بۆنەوە 245 کەس بریندار بوون.



د. پەیمان سابیریان، سەرۆکی ناوەندی فریاکەوتنی تاران لەمبارەوە ئاشکرای کردووە دوای یاریی تۆپی پێی نێوان دوو یانەی پرسپۆلیسی تاران و سپاهانی ئیسفەهان لە نێوان لایەنگراندا شەڕ و تێکهەڵچوون ڕووی داوە و 245 کەس بریندار بوون کە 45 کەسیان ڕەوانەی ناوەندە دەرمانییەکان کراون و کەسێکیش گیانی لەدەست داوە.



بەپێی هەمان سەرچاوە کەسێکی تەمەن 30 ساڵ پاش هاتنە دەرەوە لە یاریگای ئازادیی تاران، بەهۆی زۆریی بەکارهێنانی مادەی هۆشبەر تووسی گرفتی تەندروستی بووە و هەموو هەوڵەکان بێ ئەنجام بوون و گیانی لەەست داوە.



هەفتەی ڕابردووش پاش یاریی دوو یانەی نێوان پەیکانی تاران و تراکتۆرسازیی تەورێز، شەڕ و پێکدادانی قورس و خۆپیشاندان لە تەورێز ڕووی دا و بە دەیان کەس بریندار بوون.







باسنیوز