ئاژانسی ئاسایشی فڕۆکەوانیی ئەورووپی ئاسمانی یەکێتیی ئەورووپا بەرامبەر فڕۆکەیەکی کۆمپانیای بۆینگ، دادەخات.



ئاژانسی ئاسایشی فڕۆکەوانیی ئەورووپی لە بەیاننامەیەکدا رایگەیاندووە، چیتر هیچ فڕۆکەیەکی جۆری بۆینگ 737 هەشت و نۆ، بۆی نییە بچێتە ناو ئاسمانی یەکێتیی ئەوروپا یاخود لەناو ئاسمانی یەکێتییەکە بفڕێت.



پێش بڕیارەکەی فڕۆکەوانیی ئەورووپی، هەردوو وڵاتی چین و ئەسیوپیا بڕیارێکی هاوشێوەیان دژی فڕۆکەی بۆینگ 737 دا و کارکردنی ئەو فڕۆکەیەیان لە وڵاتەکانیان، قەدەغە کرد.



راگرتنی کارکردنی ئەو فڕۆکەیە لە ئاسمانی یەکێتیی ئەورووپا، چین و ئەسیوپیا، دوای ئەوە دێت، رۆژی یەکشەممە 10-3-2019، فڕۆکەیەکی جۆری بۆینگ 737 لە ئەسیوپیا تێک شکا و بەهۆیەوە 157 گەشتیار و فڕۆکەوان گیانیان لەدەست دا.



پێشتریش لە 29-10-2018، فڕۆکەیەکی هەمان جۆر لە ئیندۆنیسیا کەوتە خوارەوە و تێک شکا.



باسنیوز