ئەمەریکا سیستمێکی دژە مووشەکی بەهێزی لە ئیسرائیل جێگیر کرد
بە گوێرەی هەواڵێکی Associated Press، بێنیامین نەتانیاهو، سەرۆک وەزیرانی ئیسرائیل دڵخۆشی خۆی بەو هەنگاوەی ئەمەریکا دەربڕیووە و رایگەیاندووە: "ئیسرائیل بەهێزتر دەکات لە بەرپەچدانەوەی هەڕەشە دوور و نزیکەکانی رۆژهەڵاتی ناوەڕاست".
دوێنێ دوو شەممە 04/03/2019، THAAD گەیشتە ئیسرائیل، وەک جۆناسان کۆنریکوسی وتەبێژی سوپای ئیسرائیل دەڵێت، سیستمەکە لەم کەم شوێنی جیهان جێگیرکراوە و توانایەکی زۆر و ئاڵۆزی هەیە.
حکوومەتی ئەمەریکاش لە هۆکاری ناردنی ئەو جۆرە دژە-مووشەکە دەڵێت: "بەهۆی گرنگیدانمانە بە ئاسایشی هەرێمیی ئیسرائیل".
ئیسرائیل چەند جارێک نیگەرانی خۆی لە مووشەکەکانی ئێران و حزبوڵڵا دەربڕیوە و بە هەڕەشە بۆ سەر وڵاتەکەی ناویبردوون.
THAAD یەکێکە لە سیستمە دژە مووشەکە بەهێزەکانی ئەمەریکا و توانای هەیە لە دووری 200 کیلۆمەتر هەموو جۆرە مووشەکێک لەناوببات.
K24
