بڕیار وایه‌ له‌ كۆتایی ئه‌م مانگه‌ هه‌ڵبژاردنی سه‌رۆكایه‌تیی ئۆكرانیا بەڕێوە بچێت بۆ ئه‌م مه‌به‌سته‌ش ئه‌كته‌رێكی كۆمیدی کە خۆی کاندید کردووە، ئەگەری چانسێكی به‌هێزی بۆ وه‌رگرتنی پۆستی سه‌رۆكی ئۆكرانیای هه‌یه‌.

(ڤلادمیر زیلینسکی) ته‌مه‌ن41 ئه‌كته‌رێكی به‌ناوبانگی بواری كۆمیدیایه‌ له‌ وڵاتی ئۆكرانیا و له‌ ئێسته‌وه‌ یه‌كێكه‌ له‌ كاندیده‌ به‌هێزه‌كانی پۆستی سەرۆکی ئەو وڵاتە.

ڕۆژنامه‌ی (زیس ئینسایدر)ی ئه‌مریكی نووسیویه‌تی پێشتر (ڤلادمیر زیلینسکی) به‌شداریی له‌ زنجیره‌یه‌كی كۆمیدی به‌ناوی Servant of the People كردووه‌ و له‌و زنجیره‌یه‌دا فولودیمیر رۆڵی مامۆستایه‌كی مێژووی هه‌بووه‌ و دواتر ده‌بێتـه‌ سه‌رۆكی ئۆكرانیا و پاشانیش له‌ ڕێگه‌ی چه‌ند هه‌نگاوێكه‌وه‌ گه‌نده‌ڵی له‌ وڵاته‌كه‌ له‌ناو بردووه‌، هه‌ر به‌هۆی ئه‌و درامایه‌شه‌وه‌ له‌ناو خەڵک ناوبانگێكی په‌یدا كردووه‌ و داوای لێكراوه‌ خۆی هه‌ڵبژێرێت.

به‌پێی ئه‌و ڕاپرسییانه‌ی كه‌ له‌و وڵاته‌ كراوه‌ چانسی (ڤلادمیر بۆ وه‌رگرتنی پۆستی سه‌رۆكی ئۆكرانیا به‌هێزه‌ به‌ به‌روارد له‌گه‌ڵ هه‌ردوو ڕكابه‌ره‌كه‌ی فولودیمیر له‌ هه‌موان به‌هێزتره.‌












باسنيوز