دادگای باڵای ئەمریکا بڕیارەکەی سەرۆکی ئەمریکا لە دژی شەش وڵاتی ئیسلامی پەسەند دەکات.



بەپێی هەواڵێکی ئاژانسی (رۆیتەرز)، دادگای باڵای ئەمریکا بە دەنگی پێنج ئەندام بەرامبەر چوار ئەندام، بڕیارەکەی دۆناڵد ترەمپی سەرۆکی ئەمریکای پەسەند کرد.



رۆژی هەینی 27/1/2017، دۆناڵد ترەمپ، سەرۆکی ئەمریکا بڕیارێکی دەرکرد، کە بەهۆیەوە هاووڵاتییانی وڵاتانی عێراق، سووریا، ئێران، سوودان، لیبیا، سۆماڵ و یەمەن لە وەرگرتنی ڤیزای ئەمریکی و گەشتکردن بۆ ئەمریکا قەدەغەکرد و دواتر عێراق لەناو ئەو لیستە دەرهێندرا.



دادگا لە بەیاننامەیەکدا رایگەیاندووە، دژبەرانی ئەو بڕیارە نەیانتوانی بیسەلمێنن بڕیارەکە دژی یاسای کۆچی ئەمریکییە و ”یاساکەش هەڵاواردنێکی دینی و نادەستووری نییە“.



دۆناڵد ترەمپ لەبەرامبەر بڕیارەکەی دادگا، رایگەیاندووە، ئەو بڕیارەی دادگا ”سەرکەوتنێکی گەورەیە بۆ گەل و دەستووری ئەمریکی و پاراستنی ئاسایشی وڵات“.




باسنيوز