ئەمڕۆ هەینی دۆناڵد ترەمپ سەرۆکی ئەمریکا، بڕیاری زیادکردنی باجی گومرکی بەبڕی 50 ملیار دۆلار بەسەر بەشێک لە ئامێری تەکنەلۆجی چینیدا سەپاند، كە هاوردەی ئەمریكا دەكرێن.


ترەمپ لە نووسراوێکی سەرۆكایەتیدا رایگەیاند کە بەھۆی دزینی بیرۆکەی تەکنۆلۆجی و ئەنجامدانی بازرگانdی نادادپەروەر لەلایەن چینەوە، بڕیاری داوە بەڕێژەی %25 باجی گومرک بخاتە سەر بەشێک لە ئامێرەکانی تەکنەلۆجی ئەو وڵاتە.


بڕی زیادکردنی ئەم باجە سەربارە دەگاتە 50 ملیار دۆلاری ئەمریكی و ناوی ئەو ئامێرانەی کە باجەکەیان خراوەتە سەر لەلایەن نوێنەرایەتی بازرگانی ئەمریکا ئاشکرا کراون.


سەرۆکی ئەمریکا لە ئاداری رابردوودا رایگەیاندبوو کە باجی گومرگ بە رێژەی %25 لەسەر بەرھەمی ھاوردەکراوی وەک ئاسن و ئەلەمنیۆم دادەنێن.
bas news-