Rewangeha Sûrî ya Mafê Mirovan ragihandin ku duhî, li Sûriyê 114 kes ji ber bombebaranê û di xwepêşandanên li sertaserî Sûriyeyê de hatine kuştin.

Rewangeha Sûrî aşkera kir ku li bajarên Hums, Dêrazorê, derdora Şamê Deraa û Îdlibê 114 kes ji welatiyên sivîl canê xwe ji dest dane û bi dehan kes jî birîndar bûne.

Herwiha li gor çalakên şoreşê duhî bi dehan leşker di nav wan de efserek bi pileya sergeneral ji artêşa rejîmê cuda bûn û berê xwe dane Tirkiyê.

16 meh derbaz bûn li ser destpêkirina xwepêşandan û raperîna gel li Sûriyê li dijî rejîm û desthilatê ku heta niha ji ber tepisandina xwepêşandanan ji aliyê hêzên rejîmê ve di bûyeran de zêdetirî 16 hezar kesî ji welatiyên sivîl canê xwe ji dest dane.

AKnews