Wezîrê Derve yê Tirkiyeyê Ahmet Davutoglu, ku “peyamên tund” ên Serokwezîr Erdogan gihand Serokdewletê Sûriyeyê Beşar Esed, destvala vegeriya Enqereyê.

Davutoglu, duhî li paytexta Sûriyeyê Şamê, digel Serokdewlet Beşar Esed, hevdîtin pêk anî û “peyamên tund” ên Erdogan gihand Esed.

Li gorî nûçeya ajansa fermî ya Sûriyeyê SANAyê, Esed, di vê hevdîtinê de, ku 2 demjimêr û 15 deqîqe dom kir, ji Davutoglu re wiha gotiye ku”Sûriye, dê bi tundî li dijî rêxistinên çekdar ên terorîst raweste”.

Li gorî nûçeya CNN Turkê, Davutoglu, li Şamê, ji aliyê cîgirê wezîrê derve yê Sûriyeyê ve hat pêşwazîkirin, ew jî, asta aloziya têkiliyên Enqere û Şamê nîşan dide.

AKnews