Çavdêrekî siyasî aşkera dike, li gorî rêkeftina dawî ya di navbera Enqere û Bexdayê de, di dema firotina petrolê di bazarên Ewrûpayê de, Iraq dê ji sedî 65ê qezenca firotina petrolê li bazarên Ewrûpî li jor bihayên standardên navneteweyî werbigire, lê Tirkiye dê ji sedî 35ê qezencê werbigire.

Siyasetmedar û çavdêrê siyasî yê nêzîk rêveberê payebilind Sadiq Mûsewî, li ser rûpela xwe ya Facebookê li ser peymana dawî ya di navbera Tirkiye û Iraqê de bi serenava ‘’ Çarçoveya Hevkariya Avê ya Iraq-Tirkiyê’’ nivîsand û ragehand: "Peymana avê ya ku Sûdanî bi Tirkiyê re îmze kir Li gorî ajansa nûçeyan a Iraqê, Iraq dê ji sedî 65ê qezencê werbigire.’’

Çavdêrê siyasî tekez kir ku xala peymanê tê vê wateyê ku Tirkiye dê ji sedî 35ê qezencê ji hinardekirina petrola Iraqê bo Ewrûpayê werbigire.

Herwaha pirsyara vê yekê jî li aborînasên Iraqê dike û dibêje: "Gelo ma ev ne zilme li Iraqê tê kirin?"

Li gor nivîsa ji aliyê ajansa nûçeyan a Iraqê ‘’Wai’’ belav kiriye, di heman rêkeftinê de li beşekî de tê gotin: "Ger petrol li bazarên Ewrûpî were firotin, Iraq dê ji sedî 65ê qezencê li jor bihayên standardên navneteweyî werbigire.’’

"Petrol bi av"... Peymana avê ya di navbera Bexda û Enqerê de Iraq hêrs kiriye

Di nav krîzeke avê ya bêhempa de li Iraqê, Bexda û Enqerê peymanek avê îmze kirin ku armanc dike rêveberiya çavkaniyên hevpar hêsan bike û binesaziyê baştir bike. Peymanê hêrseke berfireh derxistiye holê û bangên bo boykotkirina kelûpelên Tirkiyê li bazaran tên kirin.

 

Basnews