Serokê Hikûmeta Herêma Kurdistana Mesrûr Barzanî di merasîmekê de her du aliyên rêya Hacî Omeran ji xizmetê re vekir.

Di merasîmê Serokê Hikûmetê gotarek pêşkeş kir û got: "Cîhê keyfxweşiyê ye ku ez îro li vir im da ku beşek ji vê rêyê ji xizmetê re vekim ku bi awayekî nûjen û rêkûpêk hatiye çêkirin û di xizmeta hemû welatiyan de ye.’’

Serokwezîr diyar kir: "Ez hêvî dikim ku ev rê û hemû xizmetên Hikûmeta Herêma Kurdistanê careke din xizmeta welatiyan de bin û debara gelê Kurdistanê û selametî û serbilindiya we, erk û daxwaza me bixwe ye."

Serokê Hikûmeta Herêma Kurdistanê Mesrûr Barzanî ragehand:

Bi navê Xwedayê Mezin û Dilovan

Ez bi rastî kêfxweş im ku serdana Hacî Omeran dikim, ku demekê paytexta Şoreşa Îlonê bû, cîh û warê Barzaniyê nemir e, cihê Pêşmergeyên qehreman ku em niha xebata wan dibînin û bi saya xebata dijwar a van Pêşmergeyên qehreman, niha Kurdistanek azad heye.

Cîhê keyfxweşiyê ye ku îro li vir im da ku beşek ji vê rêyê vekim ku bi awayekî nûjen û rêkûpêk hatiye çêkirin û di xizmeta hemû welatiyan de ye.

Bê guman, xelkê vê herêmê gelek xizmetên zêdetir heq dikin, her çend di destê hikûmetê de be jî, em ê li gorî îmkanên xwe di xizmeta we de bin û pêşveçûna welatê xwe pêşve bibin.

Ev dever cihek girîng e ji ber ku ew di heman demê de deriyek e bi welatê cîranê me (Komara Îslamî ya Îranê) re ku divê em bala xwe bidin van têkiliyan û tevgera welatiyan hêsan bikin û di warê bazirganiyê de ji bo me girîng e ku em bazirganiyê bi welatên cîran re pêşve bibin.

Ez hêvî dikim ku ev rê û hemû xizmetên Hikûmeta Herêma Kurdistanê careke din xizmeta welatiyan û debara gelê Kurd bikin û ewlehî û serbilindiya we erk û daxwaza me ye.

Ez hêvî dikim her pîroz be li we, Kurdistan roj bi roj serkeftîtir be, geşbûneke zêdetir çêbike û hûn her di tenduristî û selametiyê de bin, welatê me her ava bibe. Gelek spas.

 

Basnews