Endamekî komîteya navendî ya Partiya Demokrat a Kurdistanê (KDP) ji rewşa ku ji aliyê Iraqê ve bo Kurdistanê hatiye xulqandin nîgeran e û dibêje: "Ev zîhniyet êdî baweriya xwe bi destûra Iraqê nayne.’’

Endamê Komîteya Navendî ya PDKê Dr. Mihemed Xurşîd ji BasNewsê re ragehand: "Danûstana hikûmeta Iraqê ji nîgeraniyê derbas kiriye, ev neheqiyekî mezine li hember gelê Kurdistanê û mûçegirên Kurdistanê dike ku bu beşe, beşek ji neşandina mûçeyan li dijî mûçegirane, beşek ji budçe ye ku budçeya giştî ya hemû gelê Kurdistanê ye."

Herwaha got: "Hikûmeta federal destûra Iraqê binpê dike, ku eger li gor destûrê be, desthilatên hikûmeta federal diyar dike û nabe waha li gel Herêma Kurdistanê reftarê bike. Li gorî madeya 121 a destûra Iraqê nikare bi vî rengî bi Hikûmeta Herêma Kurdistanê re tevbigere. Tê gotin ku dahata hikûmeta federal divê bi awayekî wekhev û dadperwerane li herêm û parêzgehan were dabeş kirin, bi awayekî ku pêdiviyên wan werin dabînkirin, lê ev binpêkirina vê madeya destûrê û maddeyên têkildarî dahata petrolê û madeya 112 e, ku dibêje dahata petrolê divê li herêmên ku petrol lê tê derxistin were belavkirin, ji ber vê yekê ev binpêkirina destûra Iraqê ye."

Dr. Mihemed Xurşîd got: "Berî betlaneyan, komîteya navendî ya PDKê daxuyaniyek da û got ku nûnerên me hatine erkdarkirin ku vê pirsgirêkê çareser bikin, lê hikûmeta Iraqê bi tena serê xwe ew derxistiye û niha Dadgeha Federal dê ji bo hikûmeta federal biryarek bide. Mixabin, Bexdayê bi biryara Dadgeha Federal pêbend nebûye. Hîn jî hin daxuyaniyên tund hene. Di çend salên borî de, kesên ku di hikûmeta Iraqê de desthilatdar in hewl dane ku destûrê binpê bikin."

Herwaha got ku her çend rêveberiya niha ya Iraqê federal be jî, lê "eşkere ye ku rayedarên Bexdayê baweriya xwe bi sîstema federal naynin û kesên mîna Xezelî qet baweriya xwe bi destûr û mafên Kurdistanê naynin. Ev cureyên daxuyanî li dijî Kurdistanê bûne dirûşmeya hilbijartinan, bi veguherandina Kurdistanê bo mînberekî ji bo komkirina dengan ew dixwazin hebûna xwe bidomînin, lê heke ev zîhniyet bi vî rengî berdewam bike, bê guman ew ê ji rejîmên berê dirêjtir nedome."

 

Basnews