Ji bo malê dinyayê bavê xwe kuşt
Li navçeya Talasê ya parêzgeha Qeyseriyê ya Tirkiyeyê kurekî ji ber mîratê bavê xwe bi kêrê kuşt.
Bûyerê îro li Taxa Yenîdoganê rû da.
Li gorî agahiyan M.R. (83) û kurê xwe E.R. (58) li ser mîratê ketin qirika hev.
Pişt re jî nîqaş veguherî pevçûnê û E.R. kêr li bavê xwe da.
Tîman tesbît kir ku bavê 83 salî li cihê bûyerê miriye û termê wî bir meytxaneya Nexweşxaneya Dewletê ya Qeyseriyê.
Kurê bavkuj jî ji aliyê polîsan ve hat desteserkirin.
Rudaw
