Îro 10.02.2025ê Serokê Hikûmeta Herêma Kurdistanê Mesrûr Barzanî bi serokatiya şandeyekî hikûmetê, ber bi Îmartê ve birêket. Armanca serdana Serokê Hikûmetê ji bo beşdariya Lûtkeya Cîhanî ya Hikûmetan a rojên 11 heta 13yê vê mehê dê li bajarê Dubayî birêve biçe bibe.

Di dema birêveçûna wê lûtkeyê de, Serokwezîr Barzanî dê zincîreyek hevdîtin û civînan li gel hejmare ji serok û rêveber û berpirsên payebilind ên cîhanê encam bide.

Di wan hevdîtinan de dê gotûbêj derbarê pêşxistina peywendiyên Herêma Kurdistanê li gel welat û aliyên beşdarbûyên lûtkeyê û berfirehkirina asoya alîkariyên hevbeş, bi taybet di warên aborî û veberhênan û bazirganî û geşepêdanê de bê kirin, herwaha guhertinên dawiyê yên li Iraq û navçeyê jî bên gotûbêj kirin.

Beşdariya şandeya Herêma Kurdistanê beşeke ji wan hewldanên berdewam ên Serokê Hikûmetê ji bo beşdariya çalak a Herêma Kurdistanê li konferans û formên navnetewî, ji bo armanca bihêzkirina rol û pêgeha Herêma Kurdistanê wek faktor û hevbeşekî bi bandor û cîhê baweriyê di nav civaka navnetewî de bigre.

 

Basnews