Serok Mesûd Barzanî îro 25.10.2024 peyameke serexweşiyê ji bo koça dawiyê ya nivîskar û zimannas û zanaya Fransayî Profesor Joyce Blau, parve kir.
Serok Barzanî ragehand, “Bi mixabiniyeke zêde nûçeya koça dawiyê ya nivîskar û zimannas û zanaya Fransayî Profesor Joyce Blau gehişt min.”
Serok Barzanî amaje jî da, “Profesor Joyce Blau piştevan û dosteke mezin a gelê Kurdistanê bû û xizmeteke zêde pêşkêşî ziman û edebiyata Kurdî û Enstîtyota Kurdî li Parîsê kir.
Serok Barzanî herwesa got, “Profesora Xudêjêrazî heq li ser me tevan heye û dilgermî û zehmetên wê ji bo xizmetkirina Kurdan nayên jibîrkirin.”
Tekista behînameya Serok Barzanî:
Bi Navê Xudayê Mezin û Dilovan
Bi mixabiniyeke zêde nûçeya koça dawiyê ya nivîskar û zimannas û zanaya Fransayî Profesor xanima Joyce Blau gehişt min. Xanima Joyce Blau piştevan û dosteke mezin a gelê Kurdistanê bû, ku xizmeteke zêde pêşkêşî ziman û edebiyata Kurdî û Enstîtyota Kurdî li Parîsê kir û heq li ser me tevan heye û dilgermî û zehmetên wê ji bo xizmetkirina Kurdan nayên jibîrkirin.
Ez serexweşiyê li malbat û kesûkar û aşna û alîkarên Xudêjêrazî Xanima Joyce Blau û hemî nivîskar û zimannasên Kurd dikim û ez xwe hevparê xema wan dibînim.
Canê Xudêjêrazî Xanima Joyce Blau şa û bîranîna wê herdem bilind bimîne.

Mesûd Barzanî
25ê Cotmeha 2024ê

 

 

Basnews