Ji ber erdheja bi pileya 5.9, li Meletî, Xarpêt û Rihayê, sê avahî herifîn û bi giştî 187 kes birîndar bûn.

Li Meletiya Bakurê Kurdistanê, îro demjimêr 10 û 46 hurdeman de, erdhejek pêk hat. Li gor saziya AFADê, erdhej bi pileya 5.9 bû û li Diyarbekir, Xarpêt, Riha û Semsûrê jî ziyan gihand avahiyan û bû sedemê birîndarbûnê.

Li bajarên Mereş, Dêrsim û gelek bajarên din hest bi erdhejê hate kirin û ziyan gihişt welatiyan.  

Wezîrê Navxwe yê Tirkiyê Alî Yerlîkaya ragehand, li gor daneyên Wezareta Tendirustiyê, li Meletî, Riha û Xarpêtê sê avahî herifînê û li Meletî 33, Xarpêtê, 32, Semsûrê 18 û Diyarbekirê 17 kes, tevî bajarên din bi giştî 187 kes birîndar bûne. 

Ji ber Erdhejê li Meletî, Riha, Xarpêt, Semsûr û Batmanê, ji bo dibistanan yek roj bêhnvedan hate dayîn. 

Yerlîkaya got, ji ber erdhejê jêrxana bajaran û nexweşxaneyan zîyan nedîtine û di gihandina av û elektrîkê de jî kêmasî nîne. 

 

Basnews