Hejmareke zêde ya hêzên Pêşmerge li gel çekên giran hatin veguhastin bo sînorê Germiyanê û Cîgirê Serokê Herêma Kurdistanê bo karûbarên serbazî Şêx Ceifer Şêx Mistefa û li gel hejmareke berpirsên serbazî serdana sengerên Pêşmerge kirin.

Şêx Ceifer Şêx Mistefa, ragihand ku ew li ser fermana Serokê Herêma Kurdistanê bi mebesta ji nêzîk şopandina rewşa Pêşmerge û dabînkirina pêdawîstiyên wan, serdana sengerên Pêşmerge kirine.

Şêx Ceifer Şêx Mistefa dibêje, “Serdana me bo mihwerên 1,2 û herwiha mîhwera Xurmatû, li ser biryara birêz cenabê Serokê Herêmê ku fermandarê giştî ye, pêk hat. Ji ber ku niha li van navçeyan DAIŞ di nav liv û tevgereke zêde de ye û bi berdewamî çalakiyên wê hene.”

Şêx Ceifer Şêx Mistefa amaje bi dawîn êrişên DAIŞê yên li ser hêzên Pêşmerge li sînorê Guleco li devera Germiyanê kir û got ku ji bo ku ji nêzîk ve çavdêriya sengerên hêzên Pêşmerge bikin û pêdawîstiyên wan bibînin û bo ku her çi pêwîst be pêk bikin.

Rudaw