Hikumeta Herêma Kurdistanê bi behayê zêdetir ji 33 milyar Dînaran 12 sikran (Bendavan) ava dike li parêzgehên Hewlêr, Silêmanîyê û Dihokê, ku şîyana vegirtina 52 milyon Metir sêcar a avê hene.

Di demekê de ku 5 sikir li Hewlêr û 4 li Silêmanî û 3 li Dihokê dibin. Ekrem Ehmed, rêveberê giştîyê Sikr û Kogehên avê li Herêma Kurdistanê ragehand: Tevaya wan sikran di sala dahatî de temam dibin.

Hevdem Nadir Rostî, Gotebêjê Desteya Giştîya Geştûguzara Herêma Kurdistan, li gel weberhêner û peredaran hewla duristkirina pirojeyên geştîyarî li ser wan sikran didin, ku bi wê rêyê dikarin çavkanîyên dahat û delîveya kar desteber bikîn bo xelkê wan deveran.

Li gor vekolîneke berê ya wezareta çandinê û çavkanîyên avê li Herêma Kurdistanê 240 cih bo duristkirin û avakirina sikran hatîne destnîşankirin, ji wan jî 18 cih bo sikrên mezin in. Berê jî, bi sedema kirîza darayî û nebûna budceya pêwîst karkirin li sikran hatibû rawestandin, lê hikumeta Herêma Kurdistanê niha dest kirîye bi dabînkirina budceyê bo temamkirina pirojeyên rawestayî.