Bi amadebûna birêz Dr Berhem Salih Serok Komarê Iraqa Federal Nêçîrvan Barzanî Serokê Herêma Kurdistanê, Mesrûr Barzanî Serokê Hikûmeta Herêma Kurdistanê, Rêwaz Fayiq Seroka Parlemena Kurdistanê, Desteya Serokayetiyên Herêma Kurdistanê û Serok û Nûnerên aliyên siyasiyên Herêma Kurdistanê, li Serokayetiya Herêma Kurdistanê li Hewlêrê, ji bo guftûgokirina di derbarê rewşa Iraqê û eger û pêşhatan û bandorên wê yên li ser proseya siyasî li Iraqê bi giştî û Herêma Kurdistanê bi taybetî civîneke berfireh encam dan.

Hemû beşdarên civînê bi girîngiyê ve li rûdanên Iraqê dinêrin û wiha bawerin ku ewê îro li qada siyasî û îdariya Iraqê da rûdide, encama kêmasiyên kombûyên çendîn saliya hukimranî û bi cîh nekirina destûrê bûye.

Beşdarbûyên civînê li gel daxwazên rewayên xelkê Iraqê ne û piştevanin ku Hikûmeta Iraqê rêkarên pêwîst ji bo çaksazî û bi deng ve hatina daxwaziyên rewayên wan li ber bigrin, tekez kirin ku ewlewiyeta Herêma Kurdistanê û sazî û damezrawe û aliyên dinê, parastina aramî û destkeft û berjewendiyên Herêma Kurdistan û Iraqê û rûbirûbûna teror û berdewamiya proseya çaksaziyê dibê û piştevaniya çaksaziyên li Iraqê dikin.

Waar.tv