Serokê Herêma Kurdistanê Nêçîrvan Barzanî bi boneya koça dawî ya Sekreterê Partiya Demokrata Pêşverû ya Kurd li Sûriyê Abdulhemîd Hacî Dewrêş peyama serxweşiyê belav kir.

Di peyama serxweşiyê da Nêçîrvan Barzanî ragihandiye: “Bo koça dawiyê ya Xwedê jê razî Sekreterê Partiya Demokrata Pêşverû ya Kurd li Sûriyê Abduhemîd Hecî Derwêş sersaxiyê li malbat û kesûkar û dost hevalên wî dikim, hevpar û hevxemê wan im.

Xwedê jê razî Abdulhamîd Hacî Derwêş, jiyana xwe ji bo xizmeta gelê xwe derbaz kir û di vê rêde gelek zor û zehmetî kişandin. Xwedayê mezin canê wî bi dilovanî û behişta xwe şa bike û sebir û hedarê bide malbata wî.”

Basnews