Li eyaleta Hayber Pahtunhva ya Pakistanê, êrîşek bo otomobîlekî bombebarkirî ve li hember xaleke ewlehiyê pêkhat û piştre jî pevçûn derketin û 25 leşkeran jiyana xwe ji dest dan û herwaha di pevçûnan de 27 çekdar jî hatin kuuştin.

Li gor daxuyaniya artêşa Pakistanê li eyaleta Hayber Pahtunhva ya Pakistanê û nêzîk sînorê Afganîstanê, li herêma Dera Îsmaîl Xan bi wesayîteke bombebarkirî ve êrîşek xwekujiyê pêkhat.

Hat ragehandin di êrîşa xwekujiyê de 23 leşkerên Pakistanê jiyana xwe ji dest dan, 6 çekdar jî mirin.

Hat ragehandin bi bandora wê teqîna mezin ve avahî hilweşiya û ji ber wê jî hejmara miriyan zêde bû û herwaha birîndar jî hene.

Li gor daxuyaniya artêşa Pakistanê li bajarokê Darazinda û Kulachi yên ser bi herêma Dera Îsmaîl Xan li hember çekdaran ji aliyê hêzên ewlehiyê ve operasyon hat destpê kirin.

Li Darazinda pevçûn derket û di encamê de 17 çekdar hatin kuştin. Herwaha li pevçûnên Kulachi de jî 2 leşkeran jiyana xwe ji dest dane û 4 çekdar jî hatine kuştin.

Artêşa Pakistanê derbarê nasnameya wan çekdaran û ser bi kîjan rêxistinê ne ti daxuyaniyek neda.

Li Pakistanê bi taybet îsal li eyaletên Hayber Pahtunhva û Belûçîstanê gelek êrîşên terorî pêktên û Pakistan ji wan êrîşan Talîban a Pakistanê ya naha li Afganîstanê bicîh bûyî berpirs digre, lê Afganîstan wan îdayan red dike.

 

Basnews