Serok Barzanî bi boneya hatina cejna êzidiyan peyameke pîrozbayî belav kir û tê de wiha got: “Ez tekezî li ser bihêzkirina çanda pêkvejiyana di navbera hemû pêkhateyên gelê kurd de dikim.

Teksta peyama Serok Barzanî bi boneya cejna êzdiyan:

Bi navê Xwedayê mezin û dilovan

Bi minasebeta hatina cejna xuşk û birayên êzîdî, bi germî pîrozbahiyê li Emîrê Êzdiyan Baba Şêx, civata ruhanî ya êzîdiyan û hemû xuşk û birayên êzîdî yên Kurdistan û cîhanê dikim.

Em daxwaz dikin ku xuşk û birayên êzidî bi taybet li herêma Şingalê bi azadî û dûrî her cure zext û astengiyan karibin birînên xwe derman bikin û çarenûsa xwe diyar bikin.

Bi vê wesîleyê dixwazim tekezî li ser bihêzkirina çanda pêkvejiyanê di navbera hemû pêkhateyên olî û etnîkî yên Kurdistanê de bikim û hêvîdar im ku xuşk û birayên me yên êzîdî cejnên xwe bi aramî û bextewerî pîroz bikin.

Cejna we pîroz be û bimînin din ava xêr û xweşiyê de

Mesûd Barzanî

6- Çiriya Pêşîn

 

Basnews