Serokê Rûsyayê Vladimîr Pûtîn ji malbatên qurbaniyên şewata li Hemdaniyeyê re sersaxî xwest.

Serokê Rûsyayê Vladimîr Pûtîn ji Serokkomarê Îraqê Abduletîf Reşîd, Serokwezîrê Îraqê Mihemed Şiya Sûdanî û malbatên qurbaniyên şewata li Hemdaniyeyê re sersaxî xwest.

Malpera Serokatiya Rûsyayê ragihand:

“Serokê Rûsyayê Vladimîr Pûtîn ji ber şewata trajîk a li Hemdaniyeyê ku gelek kes tê de bûne qurbanî sersaxiyê dixwaze.”

Pûtîn di peyama xwe de sersaxî ji Serokkomar û Serokwezîrê Îraqê re xwest û ji hemû birîndaran re jî şifa xwest.

Şeva borî agir bi holeke dawetê ya li navçeya Hemdaniyeyê ya parêzgeha Nînowayê ket û di encamê de zêdetirî 100 kesî canê xwe ji dest da û zêdetirî 100 kesî jî birîndar bûn.

Alîkarê Rêveberê Tenduristiyê yê Nînowayê Dr. Ehmed Duberdanî ji Rûdawê re ragihand ku herî kêm 113 mirî û bi sedan birîndar hene.

 

Rudaw