Di peywendîyeka telefonî de, serokê hilbijartîyê Herêma Kurdistanê, Nêçîrvan Barzanî û serok komarê Îraqê rewşa sîyasîya Îraqê, deverê û Kurdistanê gengeşe kirin.

Evro êvarî Nêçîrvan Barzanî, serokê hilbijartîyê Herêma Kurdistanê peywendîyeka telefonî li gel Dr. Berhem Salih, serok komarê Îraqê encam da û bi fermî banghêşta serok komarê Îraqê kir bo rêresma sûnd xwarina serokê Herêmê. Herdû alîyan rewşa sîyasîya Îraq, deverê û Kurdistanê gengeşe kirin.

Di vê peywendîya telefonî de herdû alî hev nerîn bûn li ser girngîdanê bi yekrêzî û hevahengîyê di van pergalên hestyar de ku dever pê re dibûre. Tekez jî kirin li ser wê yekê ku pêdivîye hewlan bikin yek ji bona burandina nakokîyan û dûrkirina Îraq û Herêma Kurdistanê ji alozîyan.

Hevdem serok komar û serokê hilbijartîyê Herêma Kurdistanê tekez jî kirin li ser pêdivîya hevahengî û harîkarîyê di navbera Herêma Kurdistanê û hikumeta fîdral de di qonaxa dahatî de û pîrozbahîya cejna Remezanê jî li hevdû kirin û hêvî xwaztin ku ev boneye hedar û aramîyê bigehîne û dawîyê bi tengijeyan bihîne.

Herweha serok komar î, pîrozbahî li serokê hilbijartîyê Herêma Kurdistanê kir û hêvîya serkevtinê ji wî re xwazt.

k24