Serokwezîrê Herêma Kurdistanê Mesrûr Barzanî îro çarşemê 16ê Tebaxê pêşwazî li Berpirsê Karûbarên Balyozxaneya Fransayê ya li Iraqê kir.

Di hevdîtinê de pêşhatên herî dawî û rewşa giştî ya Iraqê û kêşeyên Herêma Kurdistanê û Hikûmeta Federal hatin gotûbêjkirin û tekezî li pêwîstiya parastin û rêzgirtina li mafên destûrî yên gelê Kurdistanê li ser bingeha rêkeftinan û Destûrê hatiye kiriye.

Herwiha di hevdîtinê de li ser çaksaziyên Kabîneya Nehem a Hikûmeta Herêma Kurdistanê û girîngiya encamdana hilbijartinên Parlamentoya Kurdistanê di dema xwe ya diyarkirî ya roja 25ê Sibata sala bê de û rewşa navçeyên Kurdistanî yên li derveyî îdareya Herêmê û pêwîstiya bidawîanîna pêla guherîna demografiyê li navçeyê, gotûbêj hatin kirin.

 

Basnews