Şanda Polîtburoya Partiya Demokrat a Kurdistanê (PDK) ji bo gotûbêjkirina mijara hilbijartinên Parlamentoya Kurdistanê, pêwendiyên siyasî yên navbera PDK û YNKê û çend mijarên din, ligel Bafil Talebanî civiya.

Îro Çarşemê 9ê Tebaxa 2023an, şanda Partiya Demokrat a Kurdistanê (PDK) bi serokatiya Berpirsê Desteya Kargêrî yê Polîtburoya PDKê Fazil Mîranî, ligel Bafil Talebanî civiya.

Peyamnêrê Kurdistan24ê yê li Bexdayê Newres Ebdullah ragihand, şanda Partiya Demokrat a Kurdistanê (PDK) ligel Yekîtiya Niştimanî ya Kurdistanê (YNK) li ser pêwendiyên navbera her du partiyan gotûbêj dikin.

Her wiha eşkere kir, PDK û YNK di civîna îro de li ser mijara encamdana hilbijartinên Herêma Kurdistanê, pêwendiya siyasî ya navbera her du partiyan gotûbêj dikin.

Roja 30ê Tîrmeha 2023an, şanda Partiya Demokrat a Kurdistanê (PDK) û Yekîtiya Niştimanî ya Kurdistanê (YNK) li Debaşan civiyan ku mijara sereke ya civîna wan, encamdana hilbijartinên Herêma Kurdistanê bû.

 

K24