Bi fermana Mesrûr Barzanî nahyeyekî din a Herêma Kurdistanê bû qeza
Li ser fermana Serokwezîrê Herêma Kurdistanê Mesrûr Barzanî nahiya Xelîfan bû qeza û gundê Sirêşme bû nahiye.
Roja Sêşemê 8ê Tebaxa 2023an, di daxuyaniyekê de Hikûmeta Herêma Kurdistanê ragihand, di dirêjiya pêngavêm Kabîneya Nehem a Hikûmeta Herêma Kurdistanê de ji bo nahiyekirin û qezakirina deverên Herêma Kurdistanê, ji bo berjewendiya giştî û hêsankarî û pêwîstiya ji bo cîbicîkirina karûbarên welatiyan, Serokwezîr Mesrûr Barzanî du ferman der kirin.
Di daxuyaniyê de hat eşkerekirin, bi fermana Serokwezîrê Herêma Kurdistanê Mesrûr Barzanî, nahiya Xelîfan bû qeza û gundê Sirêşme bû nahiye ku li sînorê Îdareya Serbixwe ya Soranê ne.
Her wiha hat destnîşankirin ku ev du ferman ji roja derçûnê ve tê cîbicîkirin.
Basnews
