Şeva borî li sînorê bajarokê Ebasî ya ser bi Hewîce ye li sînorê parêzgeha Kerkûkê, bombeyekî hatî çandin teqiya û bû sedema mirina 5 hemwelatiyan û birîndarbûna 5 kesên din.

Li gor zanyariyên BasNewsê şeva borî 25-26.05.2019ê agir berdan dexil û danê gundê Beşîr û li sînorê bajarokê Ebasî ya ser bi qeza Hewîceyê û dema hemwelatiyan hewlda agir bitemirînin û di dema hewldana agir li sînorê Ebasî bombeyek hatî çandin di wan hemwelatiyên ku dixwastin agir bitemirînin de teqiya.

Li gor zanyariyên berdest, di encamê de 5 hemwelatiyan jiyana xwe ji dest dan, 5 hemwelatiyên din jî birîndar bûn.

Cotyarekî kurd ê sînorê bajarokê Daqûq a ser bi Kerkûkê Cîhad Mihemed jî ji BasNewsê re ragehand: ‘’Şeva borî agir li dexil û danê cotyarên kurd ên li sînorê başûrê bajarokê Daqûqê hatiye berdan û ji ber wê jî bi sedan donim zeviyên kiştûkaliyê ji ber wê şewitîn.’’