Encumena bajarê Xaneqîn yê Başûrê Kurdistanê bi fermî daxwaz ji Bexdayê kir, bihêle hêzên Pêşmerge û asayişa Kurdistanê vegerin Xaneqînê bo parastina ewlehî û aramiya welatiyan.

Encumena bajarê Xaneqînê nameyek ji encumena parêzgeha Diyale û hikûmeta Iraqê re şandiye û tê de behsa aloziyên vê dawiyê yên wê deverê kiriye û ragihandiye, rewşa Xaneqînê gelekî aloz bûye ji ber ku her roj welatî rastî êrişên terorîstî tên û berhemên çandinî yên cotkaran jî tên şewitandin û talankirin.

Encumena Xaneqînê daxwaz kiriye, ji bo ku rewşa Xaneqînê aram bibe pêwîst e hêzên Pêşmerge û asayişa Kurdistanê vegerin bajêr.

Basnews