Piştî dawî hatina erkê wî yê li Herêma Kurdistanê, konsulxaneya Fransa li Herêma Kurdistanê peyama xatirxwastinê ya konsulê giştî Olivier Decottignies belav kir û spasiya xelkê Kurdistanê dike.

Olivier Decottignies di peyama xwe de dibêje: ‘’Dostên kurd ên ezîz, hemniştimaniyên ezîz ên Kurdistanê, hevrêyên ezîz ên konsulxaneya giştî, piştî çar salan erk û berpirsyartiya li gel we, îro ez Hewlêrê bicîh dihêlim. Li gel we gelek demên xweş û nexwaş min derbas kir, bi hemû rêyên niştimanê we de ez derbasbûm û li hemû keş û hewayekî de min bêhn û henase da. Ji nêzîk agahdarê birînên we yên dîrokî bûm û li benda paşeroja we bûm. Bi hezaran dostanî min ava kirin, ku hemû jî mirovên balkêş bûn.’’

Herwaha dibêje: ‘’Xelkê Kurdistanê camêrin, li hemû cîhekî bi germî mêvandariya min kirin. Ji malên mezin bigre heta malên herî sade û wê jî ev hest li gel min ava kir ku kurd û fransî daîmî dost in. Bi rastî ev şerefekî mezin bû ku min karî lêre xizmetê bikim. Ji bo wê jî ji kûrayiya dil ez dixwazim spasiya we hemûyan bikim….Spas’’