Îran ji bo bandora dorpêçên Amerîkayê li ser xwe kêm bike, li Herêma Kurdistanê sê herêmên pişêzaiyê ava dike. Kompaniyên Îranî ku dê li wan herêman hilberînê bikin, dest bi avakirina du herêman kiriye.



Berdevkê Yekîtiya Weberhênana Herêma Kurdistanê Mela Yasîn ji Rûdawê re ragihand ku ligel dorpêçên Amerîka û hevpeymaniyên wê yên li hemberî Îranê, rêjeya hilberînê li Îranê gelek daketiye û heta ku hinek kampaniyên karên xwe rawestandine û got: “Beşek ji kompaniyên Îranê ji bo tûşî pirsgirêkan nebe barkirine Herêma Kurdistanê.”



Mela Yasîn da zanîn ku ev heyameke kompaniyên ku li Silêmaniyê hilberînê dikin û Yekîtiya Weberhênana Herêma Kurdistanê mijara veguhestina komapaniyên Îranî yên ku ji ber dorpêçan kar nakin, bo Silêmanî û herêma Germiyanê gotûbêj dikin.



Beşek ji kompaniyên navborî li Herêma Kurdistanê razmendî kirine û dixwazin di warê penîr, mast, xorek û petrokîmyawî de kar bikin.

Yasîn got: “Li Silêmaniyê hezar donim û li Germiyan nêzîkî deriyê Perwêzxanê du hezar donim zevî ji bo kargehên Îranê hatine terxankirin. Nexşe û dîzayn û beşeke xizmetguzariyên sereke hatine destpêkirin.”


Wezîrê Derve yê Îranê Mihemed Cewad Zerîf di destpêka sala 2019an de serdana Herêma Kurdistanê kiribû û gotibû divê peywendiî û hevkariyên di warê aborî, bazirganî de bêne geşkirin.


Rudaw