Rêxistina Lêborîna Navnetewî duh 29.04.2019ê şev ragehand, saziya dadweriya Îranê heftiya berê bi awayek veşartî li girtîgeha Adlawa ya Şîrazê du xortên temen 17 salî darve kirin.

Li gor heman çavkaniyê navê wan her du ciwanan Mehdî Suhrabîfer û Emîn Sedaqet e û sala 2017ê dema ku temenê wan 15 salî bûye, bi tometa destdirêjiyê ve, ji aliyê hêzên ewlehiya Îranê ve hatine girtin û di dadgehekî nedadperwer de cezayê darve kirinê ji wan re hatiye dayîn û roja pêncşema borî hatine darve kirin.

Şahidên bûyerê dibêjin ew du ciwan berî bên darve kirin hatine îşkence kirin û cîhê qemçiyan li ser bedena wan diyar bûye.