Li bajarê San Dîegoya Amerîkayê di roja dawiyê ya Cejna Bêhevîrê ya cihûyan de êrişa çekdarî birin ser sînagokekê û di êrîşê de jineke canê xwe ji dest da û herî kêm 3 kes jî birîndar bûn.



Desthilatên xwecehî yê navçeya San Diego li Başûrê California ragihand in ku di bûyereke teqekirinê de li sînagokeke li derveyî bajarê San Diego jinek hat kuştin û sê kesên din jî birîndar bûm.



Serokê navçeya San Diego William Gore ragihand ku kesekî derbasî kenîseyê bû û teqe li nimêjkeran kir.



Serokê Polîsê San Diego David Nisleit ragihand, kesê gumanber 19 salî ye û xelkê San Diego ye û navê wî John Earnest e.



Serokê navçeya San Diego ragihand ku kesê gumanber nameyek li ser torên civakî belav kiriye, dema gihiştina polîsan ji bo cihê bûyerê , ew reviyaye lê piştre ji aliyê polîsan ve hat girtin û lêkolîn ligel wî tê kirin.



Cejna Bêhevîr a ku ji bo cihûyan pîroz e û 19ê nîsanê roja înê dest pê kir îro xilas dibe.

Rudaw