Artêşa Tirkiyê bajarokê Til Rifatê topbaran dike
Jêderekî ji nava Efrînê ji K24ê re ragihand, Topxaneya Artêşa Tirkiyê û grûpên çekdar ji nava Efrînê ve toban davêjin xalên YPGê yên li bajarokê Til Rifetê.
Da zanîn jî, îro ji danê sibê ve tevgereke awarteke ya grûpên çekdar li nava Efrînê heye û hejmarek otombîlên çekdaran ji nava Efrînê ve ber bi riya Efrîn – Helebê ve birê ketine.
Ev yek di demekê de ye, çend roj in helîkopterên artêşa Tirkiyê û firokeyên bêfirokvan li esmana Efrîn û ta bajarokê Til Rifetê bi berdewamî digerin.
Piştî civîna dualî ya berî çend rojan di navbera Serokê Rûsiya Vladimir Putin û Serokomarê Tirkiyê Recep Teyip Erdogan de, hat belavkirin ku hêzên leşkerî yên Rûsî ji derdora bajarokê Til Rifetê xwe vekişandin û çekdarên opozisyona Sûriyê xwe amade dikin ku wî bajarokî kontrol bikin.
K24
