Di merasîma vekirina mûzexaneya nîştimanî ya Barzanî de gotarek pêşkêş kir.

Îro li Barzanê  merasîma vekirina mûzexaneya nîştimanî ya Barzaniyê Nemir hate vekirin û çend gotar jî hatin pêşkêşkirin.

Piştî Serokkomar û Serokwezîrê Îraqê û Serokê tevgera hikmeya Îraqê, Serok Barzanî jî gotarek pêşkêş kir.

Serok Barzanî rixmî bixêr hatin kirina mêwanan spasiya wan jî kir û ragihand ku, îro rojeke gelek girîng û dîrokiye ku, bihevre kom bûne û di vê merasîmê de beşdarin.

Serok Barzanî ragihand ku, Barzan gundeke biçûke di warê erdnigarî de lê di warê şoreşên bo azadî gelek zengîne û tişta ku, li Barzanî serî hilda tevgereke azadîxwazî û însanî bû.

Serok Barzanî behsa vê yekê kir ku, tevger û şoreşên Barzanî bo azadî, însan dostî û demokrasî bûne û pêşengên wan şoreşan jî kesên gelek zana, hişiyar û oldar bûne lewre gelek caran êrîşî ser wan hatiye kirin û Şêx Mihemed Barzanî ku, oldarekî zahêd û zana bûye ji aliyê Osmaniyan ve gelek caran rastî kêşeyan hatiye û şerê wî kirine.

Serok Barzanî tekez li ser vê yekê dike ku, Rêbaza Barzanê gelek mezin û zengîne ol û nîştiman ji hev cuda nake.

Serok Barzanî anî ziman ku, Mele Mistefa Barzanî perwerde kiriyê destê Şêx Ebdulselam Barzanî bûye, gelê Îraqê jî pêşwaziyeke gelek baş ji Barzanî kiriye û Barzaniyê Nemir bi awayeke hişmend Serkirdatiya şoreşa Îlonê kir û hertim digot şerê me ne şerê gelane belku, şerê me şerê dijî zordarî û zilmê ye.

Rêbaza Barzanî bû sedem daku, têkiliyeke bihêz di navbera kesatiyên olî û rewşenbîran de çê bibin û di şoreşa Îlonê de jiber siyasetên Barzaniyê nemir gelek welatiyên Ereb û Tirkiman jî dijî zordariya rejîmê beşdarê şoreşê bûne.