Li Efxanistanê hejmara kesên ku ji ber baran û lehiyê mirine, gihîşt 104 kesan.

Ev çend roj in li gelek eyalet û deverên rojhilat û rojavayê Efxanistanê ji ber baranê lehî rabûye û ziyanek mezin gihandiye wan deran.

Li gorî agahiyan, heta niha herî kêm 104 kes ji ber lehiyê mirine, gelek kes birîndar bûne û herî kêm 17 kes jî wenda bûne, ji ber wê jî tê texmînkirin hejmara miriyan zêdetir bibe.

Berpirsên Efxanistanê dibêjin, ji ber lehiyê herî kêm 60 hezar kes bê mal û war mane û ziyanek mezin gihîştiye jêrxana welêt.

Basnews