Swêd dîplomatên Rûsî dersînor dike
Dibêje beruvajî rêkeftinên dîplomatîkî tevgeriyane.
Wezîrê derve yê Swêdê Tobias Billström ragihand ku, hikûmeta vê welatî biryar daye daku, 5 dîplomatên Rûsî yên ku, li balyozxaneya Rûsyeyê ya li Stokholmê kar kirine dersînor bike.
Tobias Billström eşkere kiriye ku, ev balyozê Rûsyeyê vexwandine wezareta derve ya Swêdê û jê re gotine ku, tu û dîplomatên din yên Rûsî derveya rêkeftinên cîhanî yên taybet bi karûbarên dîplomatîkî tev digerin lewre biryara dersînor kirinê bo we hatiye dayîn û lazime bilez ji Swêdê derkevin.
Heta niha Rûsye li ser vê biryarê ti daxuyanî nedaye.
