Lijneya Hilbijartinê ya Bajarê Mûşê nerazîbûna HDPê ya ji bo encamên hilbijartinê red kir.

Li bajarê Mûşê di encama hilbijartina şaredariyan de namzetê AK-Partiyê 538 deng ji namzetê HDPê zêdetir wergirt û şaredariya Mûşê qezenç kir.

Lê HDPê nerazîbûn ji betalkirina 2500 deng û encamên 103 sindoqan re nîşan da û daxwaz ji Lijneya Hilbijartinê ya Bajarê Muşê kir ku deng careke din werin hejmartin. Lê daxwaza HDPê hate redkirin.

Namzetê HDPê yê Mûşê Sirri Sakik ragihand, têkoşîna wan a hiqûqê dê berdewam be û ewê serî li Lijneya Hilbijartinê ya Bilind bidin.

K24