Mesrûr Barzanî di peyama xwe ya Newrozê de behsa YNK dike.

Serokwezîrê Kurdistanê Mesrûr Barzanî peyamek derbarê cejna Newroz û sersala nû ya Kurdî weşand ku, ev jî naveroka vê peyamê ye;

Bi minasebeta hatina cejna Newroz û sersala nû ya Kurdî, gerimtirîn pîrozbayî pêşkêşî tevahiya Kurdistaniyan, bi taybetî pêşmergeyên qehreman, hêzên asayîşa navxwe, kesûkar û malbetên serfiraz yên şehîdan û enfalkiriyan dikim. Hêvî dikim di nava xweşî, şadî û aramî de rojên cejnê derbas bikin.

Di heman demê de daxwaz ji welatiyan dikim di dema seyran û geştan de paqêjiya jîngeha bedev ya Kurdistanê biparêzin. Herwiha pêbendî rênimayiyên hatûçûnê bin û bûrbin ji tunajoyî.

Cejna Newrozê sembola yekgirtin, yekrêzî, serkeftin û azadiya Kurdistanê ye, di vê minasebetê de tekez li ser tebayî û hevhelwestiya xelkê Kurdistanê dikin û bo parastina destkeftin netewî û berevanî kirin ji mafên destûrî yên gelê Kurdistanê. Herwiha bi vê minasebeta han bo berejwendiyên giştî û nehêştina dilgiraniya welatiyên hêja û afirandina rewşeke aram daxwaz ji birêz Cîgirê Serokwezîr û tîma wezarî ya Yekîtiya nîştimaniya Kurdistanê dikim ku, piştî bi dawî hatina rojên cejnê, vegerin bo civînên civata wezîran daku, tevahiya kêşeyan di cîh û pêgehên fermi yên xwe de werin giftûgokirin û bihev re hewl bo xizmet kirina zêdetir ya xelkê Kurdistanê û cîhbicîh kirina karnameya kabîneya 9an ya hikûmeta herêma Kurdistanê bidin.

Cejna Newrozê li tevahiya we pîroz be û Kurdistan hertim di nava aramî û pêşkeftinê de be.

Serokwezîrê herêma Kurdistanê

Mesrûr Barzanî