Li gor gotinên peyvdarê eşîrên parêzgeha Neynewayê, Amerîka biryar daye daku, hevsengiya hêzê li Îraqê çê bike û suneyên Îraqê jî bihêz bike.

Peyvdarê eşîrên Parêzgeha Neynewayê Şêx Mizahim Hewêt, hikûmeta Amerîkayê biryar daye daku, suneyên Îraqê ji lawaziya niha rizgar bike û hevsengiya hêzê li Îraqê jî çê bike.

Şêx Mizahin herwiha diyar kir ku Amerîka biryar daye daku hêzeke 100 hezar kesî bo suneyên Îraqê damezrîne û ev hêza han pir çek bike.

Şêx Mizahim anî ziman ku ev projeya Amerîkayê tevahiya deverên sunenişîn yên Îraqê digre berxwe û hêza ku tê damezrandin ji tevahiya suneyên Îraqê ye û armanc ji damezrandina hêza han parastin û bihêz kirina suneyên Îraqê ye.