Meha Berfanbarê ya sala borî welatiyekî Fransî li Navenda Çanda Kurd a li Parîsê teqe kiribû û sê welatiyên Kurd kuştibûn, derbarê wî kujerî de rapora bijîşkî hat belavkirin. Bijîşkên derûniyê dibêjin, nexweşiya wî ya netemamiya kesayetiyê heye û bandora cudakariya navbera mirovan li ser wî heye.

Li gor zanyariyên rojnameyeke Fransî, du bijîşkên derûnî pişkinînê bo William Malletê ku 3 welatiyên Kurd kuştibûn, kirine û derketiye holê ku nexweşiyeke wisa cidî ya eqlî ya Mallet tune ye ku hêjayî behskirinê be, lê netemamiya kesayetiya wî heye û bandora cudakariya navbera mirovan li ser wî heye.

Roja 23ê Berfanbara 2022yan, kesekî temen 69 salî li Parîsa paytexta Fransayê bi çek êrîşî Navenda Çanda Kurd a Ahmet Kaya kir û di encamê de 3 welatiyên Kurd ên bi navê Mîr Perwer, Emîne Kara û Evdirehman Kizil kuştin û 3 kes jî birîndar kirin.

Her sê welatiyên ku canê xwe ji dest dane, ji Bakurê Kurdistanê ne. Piştî êrîşê, êrîşkarê 69 salî yê bi navê William Mallet hatibû desteserkirin.