Behsa çend mijarên girîng yên rojevê kirin.

Duh li Hewlêrê Serokê herêma Kurdistanê Nêçîrvan Barzanî pêşwaziya Fermandarê hêzên Hevpeymanan li Sûriye û Îraqê Jeneral Matthew Macfarlan kir.

Di civînê de ku, Cîgirê Serokê herêmê û rayedarên wezareta pêşmerge jî têde beşdar bûn, giftûgo derbarê prosesa reformên nava hêzên pêşmerge, pêşhatên dawî yên şerê dijî terorê û hemahengiya navbera artêşa Îraq û herêma Kurdistanê jî bo rûbirû bûna DIŞIê hate kirin.

Serokê herêma Kurdistanê rixmî destxweşî kirin ji Amerîka û Hevpeymanan bo piştîvanî kirina pêşmerge û artêşa Îraqê, ragihand ku, rixmî hebûna astengiyan wezareta pêşmerge berdewame li ser prosesa reforman.

Nêçîrvan Barzanî herwiha spasiya welatên dost yên Kurdistanê kir û ku, piştîvaniya vê prosesa han dikin.

Di berdewamiya civînê de her du alî hemfikir bûn ku, hîn jî DIŞI li Îraq û Sûriyeyê metirsiyeke rastîne û tekez li ser girîngiya berdewamiya hemahengiya navbera tevahiya aliyan bo rûbirû bûna metirsiyên DIŞIê kirin.

Têkiliyên navbera Hewlêr û Bexdayê, rewşa kempa Hol û pêşhatên deverê bi giştî mijarên din yên vê civînê bûn.